Bli med inn i isen

7000 år attende i tid

Kjøp billett

Kloden i istunnelen i Klimapark 2469.

Inn i isen

Bli med inn i ein 375 kvadratmeter handhogd istunnel fylt med is-skulpturar og arkeologiske skattar. Ei oppleving med gåsehudgaranti! Kvar dag frå midten av juni til langt ut i september, kan du bli med på ei vandring i høgfjellslandskapet og inn i istunnelen. På vegen lærer du om jakthistorie, klimaendringar, tinande permafrost, smeltande snøfonner og dyra og plantane som overlev i dei barske fjella. Etter turen inn i den unike istunnelen, får du sjå nærare på isbreen Kjelbrean. Turane startar ved Juvasshytta ved foten av Galdhøpiggen.

Kjøp billett

istunnel

Opningstider

Dagleg guiding:
19. juni – 29. august: Klokka 10.30 og 14.00.
I høgsesong - også klokka 12.00.

30. august – 12. september guiding laurdag og sundag klokka 10.30 og 14.00

Hundar må vente ute.

Kjøp billett

Galdhøpiggen

Kombinere med Galdhøpiggen?

Skal du til Galdhøpiggen i sommar? Kva med ein tur inn i isen dagen før, eller dagen etter? Klimapark 2469 og istunnelen ligg ved foten av Galdhøpiggen, berre ein kilometer frå Juvasshytta. Turen er tilgjengeleg for dei aller fleste og krever ikkje ekstra utstyr. Dagleg guiding heile sommaren.

Kjøp billett

Lær meir på Norsk fjellsenter

Sjå verdskjende fonnefunn i utstillinga Bergtatt på Norsk fjellsenter i Lom sentrum. I tillegg til å sjå Noreg sitt eldste klesplagg, eldste sko og eldste boge, får du møte ein mammut, sjå vikingfunn og kan leike deg med å forme landskap i sand og vatn eller få ein kalddusj i vêr-rommet. Du får 30% rabatt på inngangsbilletten på Norsk fjellsenter dersom du har kjøpt billett i Klimapark 2469.

KOPIHestekranie av en hingst fra Lendbreen i Breheimen. Trolig omlag 1000 +Ñr gammel. Med arkeolog Elling Utvik Wammer. -® Oppland fylkeskommune, Det brearkeologiske sikringsprogram

Verdskjende funn

Visste du at meir enn 2000 arkeologiske funn har smelta ut av isen i fjella i Innlandet dei siste åra? Blant dei er Noreg sitt eldste klesplagg, Noreg si eldste sko, eldste boge og fleire funn frå vikingtida. Funna fortel om tusen år gamal jakt, fangst og ferdsel. Sjå dei berømte funna i Klimapark 2469 og på Norsk fjellsenter, og lær meir på secretsoftheice.no.

Iskunst i verdsklasse

I istunnelen finn du både ein diger diamant, ei underleg klode, eit klima-arkiv og ein kinosal. Tunnelen er utforma og lyssett av skulptør og iskunstnar Peder Istad frå Molde. I 2019 opna dei tre nye romma, Diamanten, Kloden og Klima-arkivet. Resten av istunnelen er utforma med utganspunkt i Norrøn mytologi. Hit kjem du for å ause av Odin si kjelde til kunnskap, du vandrar under greinene til treet Yggdrasil og kan ake deg på ei sklie gjennom kroppen til sjølvaste Midgardsormen.

#klimapark2469

FØLG OSS PÅ