Bli med inn i isen

7000 år attende i tid

Kjøp billett

Kloden i istunnelen i Klimapark 2469.

Inn i isen

Ved foten av Galdhøpiggen ligg ein 375 kvadratmeter handhogd istunnel fylt med is-skulpturar og arkeologiske skattar. Kvar dag frå midten av juni til langt ut i september, kan du bli med inn i isen. På vegen fram til tunnelen lærar du om jakthistorie, klimaendringar, tinande permafrost, smeltande snøfonner og dyra og plantane som overlev i dei barske fjella. Etter turen inn i den unike istunnelen, får du sjå nærare på isbreen Kjelbrean. Turane startar ved Juvasshytta, omlag 45 minutt i bil frå Lom sentrum.

Kjøp billett

IMG_0376

Opningstider

Vi har dagleg guiding desse tidene:
20. juni – 23. august: Klokka 10.30 og 14.00.
I høgsesong har vi også turar klokka 12.00. (18.juli – 9.august)

28. august – 13. september berre helg: Laurdagar og sundagar klokka 10.30 og 14.00

Hundar må vente ute:
Det er ikkje lov til å ha hundar med inn i istunnelen.

Kjøp billett

Jobbe her?

Er du glad i naturen, fjella, dei hardhause dyra og plantane som lev der, og nysgjerrig på korleis klimaet påverkar alt? Er du i tillegg nysgjerrig på kulturhistorie og Noreg sine nasjonalparkar? Vi treng sommartilsette som kan formidle naturglede og kunnskap både som naturrettleiar i Klimapark 2469 og istunnelen, i resepsjonen og utstillingane på Norsk fjellsenter og under arrangement ved Lom bygdamuseum.

Lær meir på Norsk fjellsenter

Sjå verdskjende fonnefunn i utstillinga Bergtatt på Norsk fjellsenter i Lom sentrum. I tillegg til å sjå Noreg sitt eldste klesplagg, eldste sko og eldste boge, får du møte ein mammut, sjå vikingfunn og kan leike deg med å forme landskap i sand og vatn eller få ein kalddusj i vêr-rommet. Du får 30% rabatt på inngangsbilletten på Norsk fjellsenter dersom du har kjøpt billett i Klimapark 2469.

KOPIHestekranie av en hingst fra Lendbreen i Breheimen. Trolig omlag 1000 +Ñr gammel. Med arkeolog Elling Utvik Wammer. -® Oppland fylkeskommune, Det brearkeologiske sikringsprogram

brearkeologi

Visste du at meir enn 2000 arkeologiske funn har smelta ut av isen i fjella i Innlandet dei siste åra? Over halvparten av dei brearkeologiske funna i verda, blir gjort i fjella nord i Gudbrandsdalen. Funn som vitner om tusen år gamal jakt, fangst og ferdsel. Følg brearkeologane på secretsoftheice.no.

Iskunst i verdsklasse

I istunnelen finn du både ein diger diamant, ei underleg klode, eit klima-arkiv og ein kinosal. Tunnelen er utforma og lyssett av skulptør og iskunstnar Peder Istad frå Molde. I 2019 opna dei tre nye romma, Diamanten, Kloden og Klima-arkivet. Resten av istunnelen er utforma med utganspunkt i Norrøn mytologi. Hit kjem du for å ause av Odin si kjelde til kunnskap, du vandrar under greinene til treet Yggdrasil og kan ake deg på ei sklie gjennom kroppen til sjølvaste Midgardsormen.

#klimapark2469

FØLG OSS PÅ